Gee 67 minute van Hoop: Ondersteun KANSA Liefdadigheidswinkels hierdie Mandeladag
Terwyl Suid-Afrikaners voorberei om die nalatenskap van Nelson Mandela op 18 Julie te vereer, doen die Kankervereniging van Suid-Afrika (KANSA) ‘n beroep op die publiek om hul 67 Minute te laat tel deur KANSA se liefdadigheidswinkels regoor die land te ondersteun.
Hierdie Mandelamaand nooi KANSA individue, gesinne, skole, besighede en gemeenskapsgroepe uit om deel te neem aan die ’67 Minute vir KANSA’-veldtog deur kwaliteit goedere (soos klere – veral mans- en kinderklere, huishoudelike items, boeke, werkende toestelle of opvou tafels) te skenk, vrywilligerstyd te gee om voorraad te help sorteer en organiseer en inkopies by KANSA Liefdadigheidswinkels om ‘n betekenisvolle saak te ondersteun.
KANSA Liefdadigheidswinkels is geleë in Pretoria (Gauteng); Mbombela (Mpumalanga); Durban (KwaZulu-Natal); Bloemfontein (Vrystaat) en George (Wes-Kaap).
“Ons KANSA Liefdadigheidswinkels is meer as net plekke om te koop of te skenk – dit is reddingsboeie,” sê Makoma Raolane, KANSA Volhoubaarheidsbestuurder.
“Die fondse wat deur hierdie winkels ingesamel word, ondersteun KANSA se sorg- en ondersteuningsprogramme vir kankerpasiënte en hul gesinne direk. Deur te skenk of inkopies te doen, help jy ons om vervoer en verblyf te bied aan ons kanker pasiente wat by ons KANSA Sorgtuistes bly tydens behandeling, asook gratis berading en noodsaaklike ondersteuning te bied aan diegene wat kanker beveg.”
Suid-Afrikaners word aangemoedig om die 67 Minute vir KANSA-uitdaging aan te pak as ‘n manier om terug te gee en in solidariteit met kankerpasiënte te staan. Elke skenking, uur van vrywilligerswerk of aankoop dra by tot die skep van ‘n sorgsame en veerkragtige gemeenskap.
“Dit is ‘n eenvoudige dog kragtige manier vir gemeenskappe regoor Suid-Afrika om betrokke te raak. Jy kan ‘n verskil maak deur jou kaste skoon te maak, jou tyd vrywillig aan te bied, of te kies om tweedehands, met ‘n doel, te koop,” voeg Raolane by.
Hoe om betrokke te raak:
- Laai skenkings af by jou naaste KANSA Liefdadigheidswinkel
- Reël ‘n skenkingsveldtog by jou werkplek, skool of gemeenskapsorganisasie
- Doen vrywilligerswerk op of om Mandeladag om in die winkel te help
- Deel die veldtog op sosiale media en moedig ander aan om te ondersteun
“Miskien werk jy voltyds en kan jy nie van jou tyd gee om te help met die Liefdadigheidswinkel projek nie, dan ons nooi jou uit om ‘n aanlyn skenking te maak vir die instandhouding van ons KANSA dienste om te verseker dat ons kan voortgaan om sorg en ondersteuning te verskaf.
(Vir meer inligting, kontak asseblief vir Lucy Balona, Hoof: Bemarking en Kommunikasie by KANSA per e-pos lbalona@cansa.org.za. Skakel 011 616 7662 of op haar selfoon 082 459 5230).
Navrae KANSA
0800 22 6622 Tolvry
072 197 9305 Engels en Afrikaans (slegs teks)
071 867 3530 isiXhosa, isiZulu, Sesotho, Setswana and Sepe (slegs teks)
KANSA Versorgsentrums
Maak kontak met KANSA op sosiale media platforms:
