KANSA Mobiele Kliniek Besoek Matsikama & Sederberg
Die KANSA Mobiele Kliniek het die Matsikama en Sederberg Munisipale streek gedurende Julie 2014 besoek.
Dit was reëntyd in die Sandveld Namakwaland streek, maar Sr Tertia van Zyl het deursettingsvermoeë aan die dag gelê en het in 19 dae 285 papsmere en 330 borsondersoeke gedoen.
Die vrouens wat bereik is, bly sover as Molsvlei, Kliprant en Stofkraal in die Namakwaland, en in Heuningvlei in die Biedowvallei, in die Tankwa Karoo.
Sr Tertia van Zyl het per geleentheid vasgeval in sand en modder, maar moes maar self ‘n plan maak om die saak te beredder. Nogtans het sy as KANSA verteenwoordiger ‘n verskil in hierdie vrouens se lewens gemaak.
Wees Bewus van Tekens Vrouekankers
Elke vrou moet weet dat ‘n papsmeer ‘n lewe kan red en dat alle vrouens hul borste een keer per maand self moet ondersoek, sodat servikale- en borskanker vroeg opgespoor kan word. Lees meer oor hoe om jou kankerrisiko te verminder…
Navrae KANSA
Vind meer uit oor KANSA se Mobiele Klinieke naby jou – kontak KANSA Malmesbury Sorgsentrum…
