Pienk Bome vir Pauline trots om ‘n Verskil te maak in Kankergemeenskappe!
25 September 2021 – Die 2021 Pienk Bome vir Pauline veldtog, #doekwithadifference (‘n kleurvolle kopdoek), in samewerking met KANSA sal vir die derde agtereenvolgende jaar gemeenskappe regoor Suid-Afrika bereik.
“When we lend a helping hand, maybe we’ll begin to understand what is right and what is wrong. And when we dream another’s dream, instead of doing our own thing, maybe we’ll sing a different song and we’ll be more of what the world needs!” “Hierdie lirieke van die amptelike Pienk Bome vir Pauline lied omskryf die passie waarmee verteenwoordigers van die Pienk Bome vir Pauline projek hulself toewy aan die projek wat diegene wat geraak word deur kanker bystaan,” sê Adri Jansen van Nieuwenhuizen, Besturende Direkteur van Pienk Bome vir Pauline. “Die organisasie het sedert 2012 van krag tot krag gegaan en die afgelope vier jaar samel ons veel meer fondse in, meer spesifiek vir versorgings- en ondersteuningsprogramme van kankerpasiënte met die hulp van KANSA”, het Jansen van Nieuwenhuizen bygevoeg.
Gerda Strauss, KANSA Hoof Dienslewering, “KANSA is passievol oor die versorging en dien van pasiënte. Gedurende COVID-19 het die behoeftes van ons pasiënte en hulle geliefdes dramaties toegeneem. Deur die langtermyn vennootskap met Pienk Bome vir Pauline kan ons ‘n groot impak maak deur middel van die fondse wat ingesamel word. Ons kan hulpbehoewende pasiënte bystaan deur doeke, maaltydvervangings, rolstoele en ander mediese hulptoestelle te verskaf. KANSA waardeer hierdie verhouding en ons sien uit na ‘n fantastiese 2021 veldtog waar ons ‘n verskil kan maak in die lewens van menige kankerpasiënte regoor Suid-Afrika.”
Strauss het verder uitgebrei: “Dit wat bereik is in die vorige finansiële jaar sluit onder andere die in: die verf en opgradering van drie CANSA Sorgtuistes in Pretoria, George en Kaapstad asook gesubsidieerde verblyf by CANSA Sorgtuistes vir pasiënte; befondsing van vyf borskankerpasiënte vir prostese en bra’s; uitbreiding van die reeks mediese toerusting (10 rolstoele, sewe eierdop-matrasse en ses looprame); gereelde bystand aan behoeftige gemeenskappe met doeke en maaltydvervangings vir bedlêende pasiënte; vyf nuwe borsmodelle en vier opwipklinieke vir bewusmaking en ondersoeke asook gesubsidieerde tuisversorging vir pasiënte met geen of lae inkomste wat nie die basiese fooi kan bekostig nie vir (daaglikse / weeklikse besoeke aan drie tot ses pasiënte per maand ).”
Die publiek asook besigheidssektor kan ‘n bydrae lewer aan hierdie inspirerende projek en so ook hul eie lewens en dié van ander ophelder. Die unieke kopdoeke word verkoop vir R100 elk, oorringe vir R50 en pienk materiaal om bome te tooi vir R30 p/m. Pienk Bome vir Pauline nooi klubs, werkplekke, skole, instansies en individue om met oorgawe aan die #doekwithadifference projek deel te neem.
Om jou #doekwithadifference te bekom, kontak jou naaste KANSA Sorgsentrum, tolvry op 0800 22 66 22 of epos: info@cansa.org.za of Adri Jansen van Nieuwenhuizen adri@pinktrees.co.za
Inligting:
- Pienk Bome vir Pauline – www.pinktrees.co.za
- Cancer Alliance – www.canceralliance.co.za
- CANSA Toll-free– 0800 22 66 22 / CANSA – www.cansa.org.za
Navrae KANSA
0800 22 6622 Tolvry
072 197 9305 Engels en Afrikaans (slegs teks)
071 867 3530 isiXhosa, isiZulu, Sesotho, Setswana and Sepe (slegs teks)
KANSA Versorgsentrums
Maak kontak met KANSA op sosiale media platforms:
